jump to navigation

ಕಾಫಿ ಮತ್ತು ಲೋಟ ಡಿಸೆಂಬರ್ 12, 2010

Posted by Bala in ಬದುಕು.
trackback

ತಮ್ಮ ವೃತ್ತಿಯಲ್ಲಿ ಅತ್ಯುನ್ನತ ಮಟ್ಟವನ್ನು ಮುಟ್ಟಿರುವ ಶಿಷ್ಯ ವೃಂದವು ತಮ್ಮ ಮೆಚ್ಚಿನ ಹಾಗು ಪ್ರೀತಿಯ ಗುರುವನ್ನು ಭೇಟಿಯಾಗಲು ಬಂದರು. ಎಲ್ಲರನ್ನು ಆತ್ಮೀಯತೆಯೊಂದಿಗೆ ಬರಮಾಡಿಕೊಂಡ ಗುರು, ಶಿಷ್ಯಂದಿರೊಡನೆ ಕುಶಲ ಸಂಭಾಷಣೆಯಲ್ಲಿ ತೊಡಗಿದರು. ಮಾತು ಕತೆಯಲ್ಲಿ, ಎಲ್ಲರೂ ತಮ್ಮ ಕೆಲಸ ಹಾಗೂ ಜೀವನದಲ್ಲಿನ ಒತ್ತಡಗಳ ಬಗ್ಗೆಯೇ ಮಾತಾಡಿದ್ದನ್ನು ಗಮನಿಸಿದ ಗುರು, ಶಿಷ್ಯಂದಿರಿಗೆಲ್ಲಾ ಕಾಫಿ ತರಲು ಒಳಗೆ ಹೋದರು. ಗುರು ಹೊರಗಡೆ ಬಂದಾಗ ಒಂದು ಕೈಯಲ್ಲಿ ಕಾಫಿ ಫ್ಲಾಸ್ಕ್ ಹಾಗು ಇನ್ನೊಂದು ಕೈಯಲ್ಲಿ ಒಂದು ಬುಟ್ಟಿಯ ತುಂಬಾ ಲೋಟಗಳನ್ನು ತಂದು ಮೇಜಿನ ಮೇಲೆ ಇತ್ತರು. ಬುಟ್ಟಿಯಲ್ಲಿ ತರತರಾವರಿ ಲೋಟಗಳಿದ್ದವು, ತುಂಬಾ ಬೆಲೆ ಬಾಳುವುದರಿಂದ ಹಿಡಿದು ತೀರ ಅಗ್ಗದ ಲೋಟಗಳಿದ್ದವು. ಗುರು ಶಿಷ್ಯಂದಿರನ್ನು ಕುರಿತು, ನೀವೇ ಕಾಫಿ ಹಾಕಿಕೊಂಡು ಕುಡಿಯಿರಿ ಎಂದರು.

ಶಿಷ್ಯಂದಿರೆಲ್ಲಾ ತಮ್ಮ ಲೋಟ ಆರಿಸಿಕೊಂಡು, ಅದರಲ್ಲಿ ಕಾಫಿ ಹಾಕಿಕೊಂಡು ತಂತಮ್ಮ ಸ್ವಸ್ಥಾನದಲ್ಲಿ ಬಂದು ಕುಳಿತರು. ಎಲ್ಲರನ್ನು ಗಮನಿಸಿದ ಗುರು ಮಾತಿಗೆ ಆರಂಭಿಸಿದರು.

ನೀವು ನಿಮ್ಮನ್ನೇ ಗಮನಿಸಿದರೆ, ಎಲ್ಲರೂ ಅತಿ ಹೆಚ್ಚು ಬೆಲೆಯ ಲೋಟಗಳನ್ನೇ ಆರಿಸಿಕೊಂಡಿದ್ದೀರಿ, ಕಡಿಮೆ ಬೆಲೆಯ ಲೋಟಗಳು ಬುಟ್ಟಿಯಲ್ಲೇ ಉಳಿದಿವೆ. ನಾವೆಲ್ಲರೂ ಜೀವನದಲ್ಲಿ ಅತ್ಯುತ್ತಮವಾದದ್ದನ್ನು ಬಯಸುವುದು ಸಹಜ. ನಿಜವಾಗಿಯೂ ನಿಮಗೆಲ್ಲರಿಗೂ ಬೇಕಾದದ್ದು ಕಾಫೀ ಮಾತ್ರ, ಆದರೆ ಲೋಟಗಳನ್ನು ಆರಿಸಿಕೊಳ್ಳುವಾಗ ಅತಿ ಹೆಚ್ಚು ಬೆಲೆಯ ಲೋಟವನ್ನು ಆರಿಸಿಕೊಂಡಿರಿ, ಹಾಗೆ ಉಳಿದವರ ಲೋಟವನ್ನು ನಿಮ್ಮ ಲೋಟದೊಡನೆ ಹೋಲಿಸಿಕೊಂಡು ನಿಮ್ಮನ್ನು ನೀವೇ ಸಮರ್ಥಿಸಿಕೊಂಡಿರಿ. ಈಗ ಕಾಫಿಯನ್ನು ಬದುಕಿಗೆ ಹೋಲಿಸಿದರೆ, ಕೆಲಸ ಹಣ, ಸಮಾಜದಲ್ಲಿನ ಘನತೆ ಇವೆಲ್ಲವನ್ನು ಲೋಟ ಪ್ರತಿನಿಧಿಸುತ್ತದೆ. ಲೋಟ ಕಾಫಿಯನ್ನು (ಬದುಕನ್ನು) ಹಿಡಿದಿಡುವ ಒಂದು ಸಾಧನವೇ ಹೊರತು ಕಾಫಿಯ ರುಚಿಯನ್ನು (ನಮ್ಮ ಬದುಕಿನ ಅರ್ಥತೆಯನ್ನು) ಹೆಚ್ಚಿಸುವುದಿಲ್ಲ. ಜೀವನದಲ್ಲಿ ನಾವು ಲೋಟಕ್ಕೆ ಹೆಚ್ಚಿನ ಮಹತ್ವ ಕೊಟ್ಟು, ಕಾಫಿ ರುಚಿಯನ್ನು  (ಜೀವನದಲ್ಲಿನ ಆನಂದವನ್ನು) ಅನುಭವಿಸಲು ಮರೆಯುತ್ತೇವೆ ಹಾಗು ಇದರಿಂದಾಗಿ ಬದುಕಿನಲ್ಲಿ ಅನಾವಶ್ಯಕವಾದ ಒತ್ತಡಕ್ಕೆ ಸಿಲುಕಿ ನರಳುತ್ತೇವೆ

ಈ ಮಾತುಗಳೊಂದಿಗೆ, ಅಂದಿನವರೆಗೂ ಕಲಿಯದಿದ್ದ ದೊಡ್ಡ ಪಾಠವೊಂದನ್ನು ಗುರು ತಮ್ಮ ಶಿಷ್ಯಂದಿರಿಗೆ ಕಲಿಸಿದ್ದರು.

Advertisements

ಟಿಪ್ಪಣಿಗಳು»

1. Dr.Gurumurthy hegde - ಡಿಸೆಂಬರ್ 12, 2010

tumbane olle paata
naavellaroo kaliyabekaaddu idanne

2. Dr.Gurumurthy hegde - ಡಿಸೆಂಬರ್ 12, 2010

tumbaa olleya paata

3. balaglobal - ಡಿಸೆಂಬರ್ 13, 2010

ಗುರುಮೂರ್ತಿ,
ಖಂಡಿತವಾಗಿ ಈ ಪಾಠವನ್ನು ಅರ್ಥ ಮಾಡಿಕೊಂಡವನ ಜೀವನದಲ್ಲಿ ಒತ್ತಡಗಳಿರುವುದಿಲ್ಲ.

ಧನ್ಯವಾದಗಳು.

4. manasu - ಡಿಸೆಂಬರ್ 13, 2010

tumba chennagide nija kooda naavugaLu arta maadikoLuvudu tumba ide dhanyavadagaLu

5. veekay - ಜನವರಿ 19, 2011

ee katheya english version annu naanu yello odhida nenapu..
aadare yelli anta nenapagta illa..
anyways nanage thumba istavaada kathe idu. thank you so much

6. Manas - ಮೇ 23, 2011

Thumba ne chennaagide


ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: