ಚಂದನ

ನಿನ್ನಲ್ಲಿ, ನನ್ನ
ಮೆಚ್ಚಿನ ನಡತೆಯನ್ನು ಕಂಡು
ಆನಂದಿಸುವುದನ್ನು
ನಿಲ್ಲಿಸಿದಾಗ,
ನೀನು ನಿನ್ನಂತೆ ಗೋಚರಿಸುವೆ!

ಮಲ್ಲಿಗೆಯ ಪರಿಮಳ
ಹಾರುತ್ತಿರುವ ಪಾರಿವಾಳ

ನೆಲದಾಳಕ್ಕಿಳಿವ ಬೇರು
ಜೀವನಾಧಾರವಾದ ನೀರು

ಬೀಜ ರಕ್ಷಕ ಹಣ್ಣು
ಜೀವ ಪೋಷಕಿ ಹೆಣ್ಣು

ಹಸಿರಾದ ಬಯಲು
ಮುಗಿಯದಾ ಕಡಲು

ಎಲ್ಲವೂ ನಿರಂತರ
ಎಲ್ಲವೂ ಸ್ವತಂತ್ರ

Some people walk in the rain, others just get wet.
- Roger Miller

ಮಳೆಯ ಹನಿಗಳೊಡನೆ
ಕೆಲವರು ನಲಿಯುತ್ತ ನಡೆದರೆ
ಮತ್ತೆ ಕೆಲವರು ಕೇವಲ
ನೆಂದು ಒದ್ದೆಯಾಗುತ್ತಾರೆ

“A true poet does not bother to be poetical. Nor does a nursery gardener scent his roses”
- Jean Cocteau

ಕವಿತ್ವದ ಹಂಗಿಲ್ಲದೆ
ಸಾಹಿತ್ಯವನ್ನು ನೀಡಬಲ್ಲ
ನಿಜವಾದ ಕವಿ,
ಗುಲಾಬಿಯಲ್ಲಿ
ಸುವಾಸನೆಯನ್ನಿಡದ
ತೋಟದ ಮಾಲಿಯಂತೆ

Alaska Glacier - by Balakrishna

ನಿನ್ನ ಗೊಂದಲ
ನನ್ನ ಮನದ ಶಾಂತಿ
ಕದಡಿ ಆಯಿತು
ನನ್ನ ಗೊಂದಲ